OPE Consultoresopeconsultores.es
1
14
  • Cristina Martínez Cristina Martínez Pinilla
  • Rafa EtxezarretaRafa Etxezarreta
  • Elixabete IriondoElixabete Iriondo
  • Aritz Otsoa de EribeAritz Otsoa
  • Miguel EtxezarretaMiguel Etxezarreta
  • Ainhoa ZatarainAinhoa Zatarin
  • Gonzalo SerratsGonzalo Serra Urrecha
  • Marga GarcíaMarga García
  • Iñaki GaragorriIñaki Garagorri
  • Jone GarcíaJone
  • Juan Ramón OyarzabalJuan
  • Rafael VegaRafael
  • Borja EsnaolaBorja Esnaola
  • Joaquin LizundiaJoaquin Lizundia
Izquierda
Derecha
Cristina Martínez Pinilla
Cristina Martínez
Bazkidea -
Estrategiako arduraduna

Cristina Martínez naiz,

Zientzia Ekonomikoetan eta Enpresaritzan lizentziatua Euskal Herriko Unibertsitatean eta Enpresen Zuzendaritzan masterra - Marketing Aipamena Mondragon Unibertsitatean. Caja Laboral – Euskadiko Kutxaren bitartez sartu nintzen lan munduan lehen aldiz eta 1994ean batu nintzen OPE Aholkularitzara. Bertan aholkularitza estrategikoan eta negozio-eredutan espezializatu naiz.

Aholkulari bezala, nire eginkizunak ondorengoak dira: hausnarketa prozesuak garatu, estrategiak planifikatu eta inplementatu, enpresekin batera kolaborazio zein fusio prozesuak aurrera eraman, negozio berrien bideragarritasun ikerketak egin eta, baliagarriak badira, martxan jarri, eta enpresen negozio ereduen azterketan eta garapenean laguntzea.

1999tik OPE Aholkularitzako Bazkide naiz eta nire espezializazioko arloetako sektore ugariko proiektuak garatu eta zuzentzen ditut.

Rafa Etxezarreta
Rafa Etxezarreta
Bazkidea - Zuzendaria

Nire izena Rafa Etxezarreta da,

Eta gure taldeko aholkularirik beteranoena naiz. 1984.urtean, gaur egungoaren antzeko zen krisi garai batean sortu genuen OPE Aholkularitza. Aholkulari bezala daramadan denbora luze honetan, egungo krisia bizi izan dudan hirugarrena da eta azkena ez izatea espero dut.

Enpresa Zientzietan lizentziatua naiz Deustuko Unibertsitatean (ESTEko fakultatean, Donostian) eta nire lan esparrua estrategia eta finantza ekonomiaren inguruan zentratu dut bereziki.
Aholkularitzan hasi baino lehen, eta baita aholkulari bezala ere, hainbat sektoreetan kudeaketa lanak egin ditut: paper sektorean, ontzi-industrian, esportazio eta inportazioetan eta farmaziako produktuen banaketan.

Nire lanen artean, Donostian martxan jarritako hainbat proiektutan parte hartzea nabarmena da, hala nola, Illunbe aisialdirako gunea eta zezen plaza, San Martín merkatu berria eta Tabakalera kultur zentroa.

Elixabete Iriondo
Elixabete Iriondo
Bazkidea - Aholkularia

Elixabete Iriondo naiz,

Nafarroako Unibertsitatean (TECNUN), Goi Mailako Ingeniaritza Industrialean, Antolaketa espezializazioan lizentziatua, eta Project Management Institute (PMI) -ak Project Management Proffessional (PMP) bezala izendatua.

Nire lehenengo pausuak lan munduan Inasmet zentro tekonologikoko Material Metalikoen departamentuan eman nituen. Bi urte beranduago (1995ean), aholkulari lanetan hasi nintzen OPE Aholkularitzan eta 1999an bazkide egin nintzen.

Lehenengo urteetan kalitatearen kudeaketarako sistemak ezartzen, eta prozesuen sistematizazio eta hobekuntza proiektuetan parte hartu nuen. Bai aholkulari bezala baita proiektu arduradun bezala ere. Urte hauetan zehar, gure zerbitzuak eta gure antolakuntza eboluzionatzen joan diren moduan, antolakuntza esparruko proiektuetan parte hartzen aritu naiz: antolakuntza diagnostiko eta aldaketak, proiektuen kudeaketa, pertsonen kudeaketa, etab.

Aritz Otsoa
Aritz Otsoa de Eribe
Aholkularia - Marketing eta
Komertzial arduraduna

Aritz Otsoa de Eribe naiz,

Lagun agurgarria, nire izena Aritz Otsoa de Eribe da eta aholkulari bezala (edo erraztzaile bezala, nik deitzen diodan moduan) lan egiten dut 2010etik OPE Aholkularitzan. Bertan Estrategian, Komertzialean eta Marketinean espezializatu naiz. Ordutik, 4 arlo nagusietako proiektutan hartu dut parte: estrategia, fusioak / integrazioak, analisi ekonomiko finantzieroak eta negozio ereduak; horietan guztietan aspektu komertzialak nabarmenak izan dira.

Proiektu zirraragarri honetan parte hartu baino lehen, ILEVEN Consultingen, Madrilgo aholkularitza bulegoan lan egin nuen. Sei urte pasa nituen bertan lanean; denbora horretan hainbat ezagutza garatzeko eta esperientzia ezeberdinez gozatzeko aukera izan nuen, estatu mailan kontsumo eta distribuzio handiko enpresetan Komertzial eta Marketina eta Antolaketaren garapenaren alorreko proiektutan parte hartuta. Horien artean ondorengoak nabarmenduko nituzke: Eredu Komertzialen diseinua, azalera handietako kudeaketa eta salerosketa tresnak, eta produktu teknologikoen sorkundea eta merkaturatzea azalera orokor eta espezializatuetan. Bezero nabarmenak: Coca Cola, Pepsico -Matutano, Kellogg´s, Bacardí, Grupo Osborne, Coty Astor, etab.

Nire prestakuntza akademikoa: Enpresen Administrazioan eta Zuzendaritzan lizentziatua eta Zuzendaritza Estrategikoan masterra, biak Donostiako Deustuko Unibertsitatean.

Bi hizkuntza mederatzen ditut: Euskara (ama hizkuntza) eta Ingelesa (urtebete pasa nuen atzerrian), eta pertsona bezala lau ezaugarrik definitzen naute hobekien: zorrotza, behatzailea, irekia eta ameslaria.

Miguel Etxezarreta
Miguel Etxezarreta
Bazkidea - Zuzendaria

Nire izena Miguel Etxezarreta da.

MCC taldeko bi kooperatibatan eta Gipuzkoako Hospitalean 10 urtez Zuzendari Ekonomiko Finantzari bezala lan egin nuen OPE Aholkularitzan parte hartzen hasi baino lehen. 20 urte baino gehiago daramatzat OPEn Aholkulari eta Bazkide bezala. Bertan, estrategia eta antolaketa-aldaketa proiektuetan parte hartu dut, eta baita bezero diren enpresetan zuzendaritza erantzunkizunak hartuz eta aholkulari independiente bezala.

Aholkularitza lanetaz gain, irakasle lanetan ere jardun naiz Deustuko Unibertsitatean 1992tik. Gaur egun OPE Aholkularitzako zuzendaritza-batzordeko eta administrazio kontseiluko kidea naiz.

Ainhoa Zatarain
Ainhoa Zatarain
Bazkidea -
Antolaketako arduraduna

Ainhoa Zatarain naiz.

Industria Antolaketako Ingeniaritzan lizentziatua naiz Nafarroako Unibertsitatean (TECNUN), eta Deustuko Unibertsitateko Executive MBArekin osatu nituen nire ikasketak (ESTE, 2004).

Nire lehenengo pausoak lan munduan garraioen alorreko kalitate kudeaketa sistemen ezarpenean eman nituen (La Guipuzcoanan) eta, beranduago, eraikuntzan (Guillermo Ibargoyenen).

2000.urtean OPE Aholkularitzan sartu nintzenetik, kalitate, antolaketa eta pertsonen alorreko proiektutan hartu dut parte, aholkulari bezala hasiera batean eta proiektu zuzendari bezala ondoren. Horrez gain, estrategia proiektuetan ere hartzen dut parte noizean behin. 2011tik OPEko bazkidea naiz, antolaketa-alorraren lidergoa hartu dut eta zuzendaritza-batzordeko kidea naiz.

Gonzalo Serrats Urrecha
Gonzalo Serrats
Bazkidea - Pertsonen arduraduna

Kaixo, Gonzalo Serrats Urrecha naiz,

nire bigarren abizena idatzi dut ama alde batera ez uzteko.
1994tik daramat OPE Aholkularitzan, bazkide bezala eta baita zuzendaritza-batzordeko kide bezala ere.

Nire helburu nagusia OPE Aholkularitza errealitate ezberdin eta gartsu bat bizitzera bultzatzea da; pertsonak eta euren erakundeak zintzotasunez zerbitzatzea… eta gauzak egiteko modu berriak ezagutaraztea, pasioa eta alaitasuna beti kontuan hartuta. Horixe da mugiarazten nauena, horretan sinesten dut, nahiz eta nire helburak ez ditudan beti lortzen.

Nire helburuetako bat Erakundeek euren langileek duten talentu guztiari etekina ateratzea da, eta horretarako, konfiantza garatzea beharrezkoa da.

OPE Aholkularitzan nagoenetik antolaketaren garapenean espezializatu naiz, pertsonen kudeaketan, zuzendaritza taldeen eraketa eta garapen prozesuetan, elkarlaneko proiektuen sorreran… Horrez gain, hainbat masterretan irakasle naiz eta ondorengo gaiak lantzen ditut: Barne Komunikazioa, Aldaketa prozesuen kudeaketa, Konpetentzien Garapena eta Giza Baliabideak.

Gauza berriak gustatzen zaizkit, pertsonak, natura, historia, eta momentu honetan Napoleonen garaiko entsegu bat idazten murgilduta nabil.

Marga García
Marga García
Bazkidea - Administraria

Kaixo, Marga García naiz.

1984an hasi nintzen OPE Aholkularitzan lanean, sortu zenetik, Zuzendaritza Idazkari moduan. Gaur egun Administrazioaren eta Erosketen arduraduna naiz. 2000.urtean batu nintzen OPEko bazkide bezala.

Urteetan zehar OPEn egiten dudan lana garatzen eta moldatzen joan da, eta bezeroentzako proiektuak ere burutzen ditut. Hori horrela, egun hainbat erakunde singularren administrazioa daramat.

Formakuntza: Administrazioan eta Enpresen kudeaketan teknikaria eta Zuzendaritzako Idazkaria.
Esperientzia (OPE Aholkularitza baino lehen): Skill Management Advisors, Grupo Lorea de Servicios Generales y Label Auditors.

Iñaki Garagorri
Iñaki Garagorri
Bazkidea -
Berrikuntzako arduraduna
Zuzendari Orokorra

Nire izena Iñaki Garagorri da.

Ekonomia eta finantzen alorrean hasi nintzen lan munduan (bankuetan, aholkularitzan), industria jardueraren etengabeko hobekuntzarekin jarraitu nuen eta 2003. urtean OPE Aholkularitzaren taldera batu nintzen. Bertan antolaketan eta pertsonen kudeaketan aholkulari bezala lan egiten dut. Denborarekin nire lana estrategia, negozioen garapenena eta berrikuntzaren alorretara bideratu dut.

OPE Aholkularitzako bazkidea naiz eta kudeaketaren zuzendaritza daramat 2010eko irailetik. Aholkulari lana unibertsitateko irakaskuntzarekin konbinatu dut eta gelditzen zaidan denbora librean nire doktorego tesian lan egiten dut, hain zuzen, negozio ereduen berrikuntza eta lehiakortasunean duen eraginaren inguruan.

Formakuntza: Administrazioan eta Enpresen Zuzendaritzan lizentziatua (Euskal Herriko Unibertsitatea), MBA (Mondragongo Unibertsitatea), Doktoregoa (momentu honetan garatzen Deustuko Unibertsitatean).

Esperientzia (OPE Aholkularitzan hasi baino lehen): Euskal Herriko Unibertsitatea, Industrias Tajo, Arthur Andersen, Kutxa, Caja Laboral.

Jone
Jone García
Aholkularia

Nire izena Jone García da.

Nire izena Jone García da. Giza Zientziak: Enpresan lizentziatua naiz Deustuko Unibertsitatean eta Coaching Pertsonal eta Profesionalean Aditua IECn.

 

OPE Aholkularitzan pertsonen arloan garatzen dut nire lana batez ere; izan ere, nire ustez pertsonek ematen diete balio handiena erakundeei. Nire bizitza profesionalean erakunde askorekin lan egiteko aukera izan dut, enpresa handiekin, ertain eta txikiekin, irabazi-asmorik gabeko erakundeekin… beti ere, pertsonen kudeaketako lanari ikuspegi berri eta dinamikoa ematen saiatuz

 

OPE Aholkularitzan egiten dudan lanarekin, gure inguruko erakunde eta enpresak osasuntsuago izatera bultzatu nahi ditut, funtzionatzeko modu berriak miatuz, pertsonak profesionalki zein pertsonalki garatzeko toki bilakatu daitezen.

 

Juan
Juan Ramón Oyarzabal
ALBOAN zerbitzuaren arduraduna

Juan Ramón Oyarzabal izena dut

Ingeniari industriala naiz, ETSIIn ikasia (Nafarroako Unibertsitatea). Nire bizitza profesionala jarduera industrialekin lotuta egon da beti, hasieratik, 80. hamarkada amaieratik, ELF ATOCHEM multinazional frantseseko ingeniari hasi nintzenetik, gaur egun arte, ETEtako Ekintzarako Taldeen Zuzendari moduan.

Enpresen Zuzendaritza eta Kudeaketako jakintzak esperientzia bidez neureganatzen joan naiz, honelako postuetan lan egin baitut: PRODEMA S.A. enpresako Zuzendari Orokorra, MADME Talde Industrialeko eta beste hainbat enpresako kontseilari independentea, eta OACI enpresako Bazkide Sortzailea.

Hainbat enpresan industrialekin izan dudan jarduerak eta ekintzarako dudan joerak eraman ninduen 2012an OPE Aholkularitzako parte izatera. Bertan, Inplantazio arloko Alboan zerbitzuaren sorkuntzan parte hartu dut.

Esplikatzen zaila den asebetetze sentsazioa da hau, beren hobekuntza orokorrean enpresei lagundu ahal izatea, edota merkatuak dakarzkien izugarrizko zailtasunei aurre egiten laguntzea.

 

Rafael
Rafael Vega
OPE Insituko arduraduna

Nire izena Rafael Vega da

Goi Mailako Ingeniari Industriala naiz, Nafarroako Unibertsitatean ikasia, eta Deustuko Unibertsitatean Enpresa Kudeaketan masterra. Euskal Herriko enpresa industrialekin esperientzia zabala izan dut nire bizitza profesionalean, 30 urtetik gora izan bainaiz zuzendaritzaren kudeaketa lanetan alor eta enpresa ezberdinetan. 1996tik Zuzendari Orokorra izan naiz altzarigintza eta metalaren sektoretako hainbat enpresetan.

OPE Insitu enpresaren bazkide eta sortzaileetako bat naiz. OPE Insitu beste enpresetan esku-hartze jarduerak egitera bideratutako enpresa da, eta bertan, Interim Managementeko ekintzen zuzendaria naiz. Ekintza hauen bitartez, gure bezeroen Zuzendaritza Taldeetan parte hartzen dugu, kudeaketa aldetik zailtasunak dituzten proiektu estrategikoak garatu edota konpontzeko.

Nire helburua ahalik eta enpresa gehienetan lagungarri izatea da, ziurgabetasun handiko proiektuen bideragarritasuna erraztuz.

 

Borja Esnaola
Borja Esnaola
Aholkulari Juniorra

Borja Esnaola Aguirre nauzue

OPE Aholkularitzako taldeko kide berria.

Duela urte batzuk, nire etorkizunaren inguruan pentsatzen nengoela Ingeniaritza Industriala ikastea erabaki nuen, hau da, Bolonia ikasketa programarekin Gradua gehi Masterra izango litzatekeena. Abentura zoragarri honetan zehar programazioko Start-up batean lan egiteko, mekanizatzailea den enpresa batetako ingeniaritzako departamenduan lan egiteko eta Estokolmon 6 hilabetez bizitzeko aukera izan dut (bai, izugarrizko hotza egiten du han goran).

OPE-n praktikak eta Masterreko proiektua burutu ondoren aholkulari taldeko parte izatea eskaini zidaten. Ezin nuen horrelako aukera bat alde batera utzi.

Nire espezializazio arloak, bai praktiketan bai gaur egun, Estrategia eta Antolaketa arloak dira, non gure bezeroei erantzun berritzaileak eta erabilgarriak eskaintzea dut helburu.

 

Joaquin Lizundia
Joaquin Lizundia
Ekoizpen arduraduna

Joaquin Lizundia naiz,

Nafarroako Unibertsitatean (TECNUN 97) Ingeniaritza Industrialean lizentziatua eta Project Management Institute (PMI)-ak Project Management Proffessional (PMP 2014ean) bezala izendatua.

1997tik aurrera, aholkularitza industrialera zuzendu nuen nire ibilbide profesionala, batez ere Lean Manufacturing-era eta instalazio berrien inplementaziora.

Sektore eta teknologia ezberdinetan garatu ditut proiektuak, besteak beste: ekipo-ondasunetan, azpikontratazioan (mekanizazioan, soldatzean, xafla prozesatzean...), egurrean, paperan, elikaduran, plastiko-injekzioan, galdaketan, forjan eta abar.

Azken urteotan OPE Aholkularitzarekin hainbat proiektutan lankidetzan aritu ondoren, OPEra sartzeko aukera eskeini zidaten. Orain, produkzio alorreko arduraduna naiz. Talde industrialen hobekuntzarako oso baliagarri zait OPEk Antolakuntzan eta Pertsonen kudeaketan duen trebetasuna eta esperientzia, batez ere, konpromezuan eta parte-hartzean.

"Krisiak aldaketara bultzatzen gaitu" "Ardura, konpromisoa eta emaitzak eskaintzen ditugu." Egin zaitez gure BLOGAREN harpidedun Bezeroak nabarmenak Enpresa ...
"Helburu komun bat lortzeko lan egiten duen pertsona talde bat ikusgarriagoa da teknologia aurreratuena baino. Taldea geldiezina bilakatu daiteke bere ikuspegia lortzeko botere eta ...
"Taldean lan egiten dugu, emaitzak bilatuz"  Egin zaitez gure BLOGAREN harpidedun Lankide zuzenak  Loturako erakundeak